0
Sunday 26 Jun 2022 23:26

سوات پی کے 7 ضمنی انتخاب میں پی ٹی آئی کامیاب

سوات پی کے 7 ضمنی انتخاب میں پی ٹی آئی کامیاب
اسلام ٹائمز۔ خیبر پختونخوا اسمبلی کے حلقہ پی کے 7 کے ضمنی انتخاب میں پاکستان تحریک انصاف کے امیدوار فضل مولا نے میدان مار لیا۔ تفصیلات کے مطابق خیبر پختونخوا اسمبلی کے حلقہ 7 سوات کے ضمنی انتخاب میں صبح 8 سے شام پانچ بجے تک بغیر کسی وقفے کے 124 پولنگ اسٹیشنوں میں پولنگ کا عمل جاری رہا۔ پولنگ کا وقت ختم ہونے کے بعد الیکشن قوانین کے تحت ووٹوں کی گنتی کا عمل شروع کیا گیا۔ غیر حتمی غیر سرکاری نتائج کے مطابق کُل 124 پولنگ اسٹیشنز میں پی ٹی آئی کے امیدوار فضل اللہ 17 ہزار 395 ووٹ لے کر کامیاب قرار پائے۔ عوامی نیشنل پارٹی اور متحدہ اپوزیشن کے حمایت یافتہ امیدوار حسین احمد 14 ہزار 604 ووٹ لے کر دوسرے نمبر پر رہے۔ تمام پولنگ اسٹیشنز کے نتائج بذریعہ آر ایم ایس الیکشن کمیشن کو موصول ہوئے۔

پی ٹی آئی امیدوار کے حق میں نتیجہ آنے پر کارکنان نے مراد سعید کے ڈیرے پر جشن منایا اور نعرے بازی کے ساتھ مٹھائیاں بھی تقسیم کیں۔ واضح رہے کہ صوبائی اسمبلی کے حلقہ پی کے 7 کی یہ نشست اے این پی کے رکن صوبائی اسمبلی وقار خان کے انتقال کے باعث خالی ہوئی تھی۔ الیکشن کمیشن آف پاکستان کی جانب سے جاری اعلامیے میں بتایا گیا ہے کہ پی کے 7 سوات کے ضمنی انتخاب میں 1 لاکھ 88 ہزار میں سے 33 ہزار 873 ووٹ ڈالے گئے، جس کا ٹرن آؤٹ 17 فیصد بنتا ہے۔ الیکشن کمیشن کے مطابق ڈالے گئے ووٹوں میں 27 ہزار 533 مردوں اور 6 ہزار 20 ووٹ خواتین کے تھے۔
خبر کا کوڈ : 1001273
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش